Молитва преподобному Тихону Калужскому

О священная главо, великий чудотворче, преподобие отче наш Тихоне, преблаженне и преславне, Духа Святаго исполнение, постников похвало, монашествующих славо, пустыни украсителю, теплый о нас молитвенниче, ныне со ангельскими воинствы предстоя у Престола всех Царя славы Господа и наслаждаяся света Единосущныя Троицы, и с Горними силами воспевая Трисвятую песнь, яко дерзновение имея, молися Всемилостивому Владыце спасти вся, верующия во имя Его; испроси мир и тишину Святым Церквам ниспослати, вере православной укрепление, видимыя и невидимыя враги низложити, грады наши утвердити, мир весь умирити. Моли милостиваго Бога, да твоим благоприятным ходатайством вся православныя христианы избавит Он от глада, губительства, труса, потопа, огня, меча, от нашествия иноплеменник и междоусобныя брани, старыя да подкрепит, юныя да наставит, немудрыя умудрит, болящия исцелит, плененныя и юзники свободит, сироты заступит, младенцы воспитает и вся люди сохранит от всех бед и напастей, и от нападения вражия, и смертоносный язвы, и тлетворных ветр, и от всякаго зла (...) Аминь.


Саша Митрахович 08.05.2018 06:48
Загрузка...

Читать предыдущую статью

Преподобный Тихон Калужский

Поделиться с друзьями:

Коментарии: (0)

Вы можете оставить первый комментарий к статье

Каптча

Новые посты

Это интересно

Loading...
Loading...